Home 愛車保養 香港邊度可以自己洗車?三招搵到DIY洗車地方、從此無需再煩惱

香港邊度可以自己洗車?三招搵到DIY洗車地方、從此無需再煩惱

by Charles Wong
2 comments

邊度可以自己洗車?”應該算小U接到過最多的查詢,今日小U就從自己新界和市區都住過的經驗,同大家分享如何搵到自己洗車的地方,再討論“街邊/路邊洗車”熱門話題有咩要注意,既可以打理乾淨部車又有樂趣。

第一招:多八卦多問(唔好怕醜)

香港絕大多數的車主的泊車地方總會有“左鄰右里”吧,從“鄰居”車主問到附近有沒有方便的洗車地方最最最直接方便!例如你個停車場可能喺有水喉可洗車,但由於你泊位唔響果一層、亦沒經過所以唔知道;附近有個“洗車熱點”但由於你平時唔經過亦沒留意,從“鄰居”車主打聽就最方便。

唔好怕醜去開口問人,一個微笑加上禮貌的開場白放心去馬。小U噶經驗喺:自己有洗開的師兄都好好人share經驗比你。小U覺得大部分香港人其實都喺好心地,只不過如果互不相識就會先默認對方喺PK、黑口西面比個架勢先,但互相認識咗其實可以好friend。(當然有D就喺真·黑人憎,社會之大無奇不有,不足見怪。你用點樣的態度生活,生活就點樣對待你。)

洗車搵位TIPS
問下停在你旁邊的“鄰居”吧~

 

第二招:私營自助洗車場(新界友有福)

香港這幾年新興了唔少“自助洗車場”,比錢可以有洗車位、有高壓水槍、甚至有埋氣槍吹乾。某些熱門場要等位,自然越開越多。大家可以從FACEBOOK和GOOGLE搜尋“自助洗車”就可以搵到。

台灣流行的自助洗車場今年已經引入香港,但是始終受制于香港地少人多,現時店家主要集中在新界偏遠一帶。

如果你喺住新界尤其喺新界西,咁你有福了。大部分噶自助洗車場都落在元朗、屯門、天水圍一帶。其餘區分的自助洗車場資料請大家補充了。

洗車搵位TIPS
附近有沒自助洗車場~

 

包底招:無水洗車法

剛開始養車時候小U咩都唔識,響街邊洗車遇到好多朋友,給予當時懵懵懂懂的小U各種指點,喺小U萌發起做“養車日誌”噶原動力。雖然時間飛逝,但當年的經驗仲歷歷在目。如果養車沒了洗車一環,樂趣真喺減少咗唔少。

所以小U好支持大家真正用水洗車,下面一節會同大家分享點樣搵“灰色的免費洗車熱點”。但倘若你都未能夠有幸享受沖水洗車的樂趣,小U先為你提供一個包底的方法:無水洗車 Waterless Wash。無水/免水洗車法的技術今年發展得好成熟,某些優秀產品價錢亦大幅下降(例如小U為大家準備的無水洗車大禮裝),只要肯“少食多餐”、經常用無水洗車法抹車,即使沒有水喉亦可以將車打理得光彩照人。關於無水洗車小U之前已有專文介紹供大家參考:

無水洗車 (Waterless Wash) 大剖析Part 1:原理、好處、會唔會整花部車?

無水洗車唔刮花車身的用品和方法詳細介紹!附帶洗車成本比較

 

珍藏第三招:灰色免費洗車熱點如何搵(以及認清法例和對策)

以下又到踩界時間,討論路邊洗車、街邊洗車的問題,所以僅供會員閱讀。繼續閱讀請註冊成為香港養車日誌一份子【免費】 請留意email可能會彈咗去郵箱垃圾桶:

免費Email登記

(隱藏內容請按email內的指引查看)

[s2If is_user_logged_in()]

最好的洗車地方應該同時喺“少人”同埋“有水源”,所以小U淺薄的經驗認為:灰色的熱門洗車地點有以下兩個關鍵字KEYWORDS:

【工業區】

【公廁】

響路邊洗車的“灰色”事梗喺越少人、越少車流就越好。香港工業區的夜間多數水靜河飛,如果你住港島九龍,工業區可能喺你搵到洗車地方的希望,例如西九龍的長沙灣東九龍的觀塘遠離大商場一帶,WIKI有列曬全香港的工業區分佈

水靜河飛仲未夠,如果有埋水喉供水就perfect。所以如果喺“工業區的公廁”,街邊成為洗車熱點的機會就十分大。公廁可以通過google map搜尋或者用APP:

下圖舉兩個公廁外路邊洗車熱點的例子(唔好問小U點解知道)。響“洗車熱點”洗車最開心喺識到一班同好,去多幾次就見到大家都熟口熟臉,只要你唔喺“西面神”一定識到朋友。

洗車搵位TIPS
工業區+公廁 = 洗車熱點

如何從公廁的水喉方便地取水的方法,小U留給各位探索、從其他洗車車友度學習蹺妙之處。工具方面小U之前已經詳細介紹和推薦,供大家參考:

【雙泵動力】 超強力雙模式洗車水機套裝升級版 介紹

如何洗車不傷車 – DIY洗車系列 Chapter 1

 

路邊洗車的法律問題

小U本來沒打算將此話題寫入本文,因為小U一路以來都喺不斷行動而從未考慮過“法律”後果。好大原因喺“洗車熱點”經常好旺場,大家一齊吹水一齊洗,從來未遇到任何問題,更唔好講檢控之類,所以大家都沒戒心。但是網上討論區就好多人議論呢個問題,小U就亦響網絡搵了一下資料以下就喺你需要衡量的風險,是否接受就要問自己,有人買樓買股發達,有人怕風險只存定期,人人唔同:

亂拋垃圾?

洗車水跌落地可唔可以定義為“亂跑垃圾”道理上應該可以成立、但未有聽過洗車被監控亂拋垃圾,有沒真·案例可以分享下?歡迎留言。

阻街

如果你被投訴阻街,喺會收到信、罰錢。因為汽車唔可以響道路停低(洗車、訓教、違泊),除了緊急維修。所以點解要揀少人少車的地方。

非法取水

從公廁取水做沖廁外的其他用途都是違法的:“一經循簡易程序定罪,可處第1級罰款”。

非法傾倒污水(化學物質)

網上好多人討論的、亦喺罰則最嚴重的一條喺環保條例的:“非法排放污水”。上面兩條都喺罰下錢,呢條就可以坐。小U的理解呢條罰則主要對付工業廢水直接排放、地盤污水直接排放、屋苑糞水直接排放這類固定、長期、大量的非發排放行為。檢控的一方喺環保處OFFICER,從未見過有環保處人員捉人夜晚街邊洗車。。。據我了解環保處CHARGE呢一條喺要取樣水版sample去檢控,相信要用此條執法難度頗大。

路邊洗車尚是“灰色”的原因,相信同其造成傷害有限有關。專業洗車水喺中性的(例如小U出售的美光洗車水),感覺比洗衣液、洗潔精對環境傷害都少。路邊洗車同食環洗地、落雨沖完車身跌落地的水比較,差別大唔大見仁見智。

你問我答:洗車液 Car Shampoo 如何選擇?DIY洗車系列 – Ch. 1c

 

總結:自己洗車樂趣行先、慳錢第二

自己洗車的樂趣用一句話總結:

明就明,唔明就唔明

就好似有人唔鐘意揸車,有人就好享受駕駛樂趣一樣,自己動手、自己洗車、自己去紋、打蠟、做鍍膜,將車身翻新到“令立立”,個中的樂趣只有你用心做過就會體會得到。養車就應該喺一種樂趣,如果揸車剩翻響路上閘黎閘去、停車場排長龍,咁為冇養車?為樂趣啊!

無論你喺注重外表(洗車打蠟鍍膜),還是注重內在(維修保養調校),香港養車日誌都在努力為大家提供相關的知識INFO以及DIY自己動手的方法心得、分享養車的樂趣:

最後,如果大家覺得文章唔錯、有用,請click一下本文底部的社交媒體按鈕就可以分享給你身邊的人、@你覺得有需要的朋友。Sharing is caring 獨樂了不如眾樂樂,不花一分錢就可以支持小U以及香港養車日誌的工作。小U網販車品區亦為大家準備好多好用的汽車用品,隨便睇睇買不買沒所謂,鏈接如下(容易跌錢請小心訪問):

 

 

更多原創相關文章供參考:

香港養車點慳錢?車主洗費大、四大方法低養車開支!

香港養車最平要幾錢?窮人養車的終極分享

[/s2If]

 

Related Articles

2 comments

KELVIN 8 月 3, 2018 - 4:24 下午

實用好文!

Reply
TC LEE 8 月 3, 2018 - 5:09 下午

網上好多話路邊洗車又冇又冇果D 9成鍵盤戰士,多謝版主用心分享!好貼地

Reply

Leave a Comment