Home 愛車保養 舊車內裝升級之旅:3000蚊搞掂、質感大提升!

舊車內裝升級之旅:3000蚊搞掂、質感大提升!

by Charles Wong
0 comment

疫情遲遲揮之不去,小U的換車計劃無限期押後,但焉知非福就喺因為我冇再成日諗換車,養住宜家呢部老爺錢七反而更開心,我的心路歷程分享在:養新車還是二手車更開心?過來人發現呢一點決定了你的養車體驗。更加珍惜“眼前車”讓小U自然投放咗多D心機落去執靚部車度,本文以圖片為主分享我為舊車加裝原車冇配的電子設備,瞬間提升車廂內質感,揮去老爺錢7腳車的簡陋缺乏感。

車廂內加裝前後對比

加裝前車廂裡面除咗錶板的數字以及冷氣控制位的微弱老舊黃光,夜晚開車車內喺漆黑一片,車外面街燈都燦爛過車內,夜媽媽一個人揸住部車咪話唔孤獨

毒L一個很開心?

你可以話小U好低級,但我第一個諗法就喺幫車內加裝“識發光”的電子產品,最好喺有潮流科技感,如果仲加埋提升實用性就PERFECT。以下喺我加裝咗四樣嘢後的成果圖:

從上而下介紹:加裝AZDOME FULLVISION電子後視鏡LUFI XF電子賽車錶4GB RAM Android車機。呢三樣嘢唔單喺“識發光的擺設”,實用性仲非常好,原先部車毫無趣味感,宜家夜晚揸車會有Feel好多。下文會逐一介紹。

第四樣喺腳底七彩氣氛燈,我設置成淺藍色:

錄咗一段tat車的視頻:

好,以下開始介紹我的舊車內裝升級之旅

 

自改Android車機

之前因為一直有諗換車,所以古董CD機一直就冇搞過。宜家唔換住了,第一樣打算大換的就喺ANDROID車機。我的第一次自己DIY換車機體驗總體黎講比我想象中順利和簡單,用咗半日搞掂,慳錢程度亦比我想象中多。我換的喺最高配置的4GB RAM的ANDROID車機,嚮淘寶購入唔需要1000人民幣(喺香港本地街鋪售價的1/3左右,計埋裝工就1/4~1/5)。

實用性:★★★★★
觀感提升:★★★★★
性價比:★★★★★

以下喺我少少的換車機心得:

車機尺寸:因為我的HONDA原車的車機位喺標準“Double DIN”雙層車機位,Double DIN 尺寸喺國際標準,唔需要更換面板就九成九放得入7吋車機。所以我就買更換最簡單的7吋MON車機。(如果你的原車只有單層車機位、CD碟機,咁就要睇睇有冇得換中控面板。淘寶的話通常兩百蚊左右就有車型的CUSTOM FIT)。

換車機的流程:每部車都大同小異,建議你嚮YouTube 搜尋“你的車型 + headunit upgrade”或者“radio replacement”,好大機會可以搵到更換的流程分享。

換車機接線:新買的車機的接口同原廠的接口形狀和排序可能唔一樣,需要重新配對接線(如果一樣就恭喜你,一插即用)。小U教大家兩種唔需要破壞原車線簇的方法:

  1. 購買原車接口的“尾線”:淘寶10蚊左右,將排線接口打散成一條條線,可以慢慢嚮屋企JAM好D線,再拎上車一駁就得。我就喺用了呢種方法。
  2. 購買轉成ISO標準的轉接線:ISO喺國際定義排線的標準,如果你將新車機的排線和原車接口的排線都轉成ISO,就可以一插就得。ISO轉接線價錢貴少少,同埋難搵D。
原車車機的線頭,可在淘寶買一條“尾線”(公插)將其打散成每條線
新車機的接口
洗車機的尾線,需要同原車的線簇配對
逐一接起身
接好咗的成果
原廠-新車機轉接線成品圖

安裝細節:

車機USB連線位 – 車機可以駁USB線出黎,方便用手機連接,我搵咗個位可以將USB線駁出黎,又可以放手機的“好地方”

用咗車機之後上車就成日鐘意玩下SPOTIFY,玩下收音機,玩下GPS,趣味實用性都大大增加!

 

AZDOME FULLVISION電子後視鏡

顛覆傳統的AZDOME電子後視鏡車CAM和電子後視鏡功能二合一,也稱“流媒體Streaming後視鏡”。唔單只提供比傳統後視鏡更加寬闊的後視視野、唔受後座乘客阻擋視線,而且夜視能力比起傳統光學後視鏡光猛得多,夜間泊車必備良物,AZDOME FULLVISION已經販售超過百件,獲得車主的高度評價。

詳細介紹、錄影片請移步:

顛覆車CAM定義:AZDOME Fullvision電子後視鏡式車CAM詳細測試

AZDOME FULLVISION AR08 電子後視鏡開關

小U網販販售鏈接:

香港AZDOME AR08電子後視鏡: 售價 購買詳情

實用性:★★★★★
觀感提升:★★★★★
性價比:★★★★★

 

瞬間提升跑味:LUFI XF電子賽車錶、抬頭HUD

LUFI XF呢款現時市面上搵到的最高質電子賽車錶,“技術性擊倒”曬普通抬頭顯示器HUD。LUFI XF除咗可提供普通HUD一樣的“速度計”之外,更加重要的喺“跑味”的大幅提升。小U網販提供了LUFI XF電子賽車錶的超詳細介紹,可能喺現時香港最詳盡的賣家。是的,這是小U一貫的風格,每一款產品我都親自測試、確認喺好貨,並且盡可能讓你在購買前可以了解更多。

LUFI XF的安裝只需要接落原車的OBD插口即可,如果你唔清楚咩喺OBD接口,請參考:著咗引擎燈點辦?利用手機APP和藍牙OBDII一百蚊唔洗找到問題!

LUFI XF的各地用家錄影:

 

現時有的家庭車取消了轉速錶,LUFI XF可以彌補翻車廠的“天生缺陷”,冇咗轉速錶的遺憾輕鬆解決。

實用性:★★★★
觀感提升:★★★★★
性價比:★★★★

安裝細節:

LUFI XF可以安裝在儀錶板的左方或者右方,小U選擇了裝在左邊靠近中控位置,數據線小U搵到原車有個位可以捐條線落去:

LUFI XF等小U呢種冇賽車技術的車主,都可以FF一下賽車的味道,喺咪好毒?

 

平價USB腳底氣氛燈

本次介紹的四樣車內升級設備中,唯一一樣價錢喺100蚊以內的,就喺呢款USB腳底氣氛燈。一拖四的燈條,有七彩顏色、可遙控、可自動轉色、帶聲控跟BEAT閃功能。腳底氣氛燈除了提升氛圍質感,最實用之處喺唔洗再“黑媽媽”咁搵跌落地氈的物品!

 

實用性:★★★★
觀感提升:★★★★
性價比:★★★★★

安裝細節:

除咗主副駕的腳底位,仲可以放一條燈在座椅側:

最後一條燈我選擇放在中控下方的儲物格:

夜晚揸車有氣氛燈真喺舒服好多,人類天生就唔鐘意黑暗,氣氛燈花少少錢就提升揸車感覺同乘客的舒適度,超值。

 

落咗心機的車就喺好車

小U之前分析的文章養新車還是二手車更開心?過來人發現呢一點決定了你的養車體驗 得到大家好多迴響,所以我也落足心思去用低成本、高回報提升自己部舊車。車的新舊唔喺最重要,養車講的喺心態,落咗心機的車就喺好車:

  • 香港車友CL話:“無論新車定舊車,肯dum 心機落去搞就會係一架好車”
  • 香港車友Kristerian話:“駕駛年資雖不長,期間亦不斷看不同品牌的新車。直到疫情,閒時回想買車初心,是給家人一個舒適安全的旅程,發覺現有的車已經給到了”
  • 香港車友Benjamin 話:“ 超級認同,冇諗住換車,想keep住架車的車況好。會睇YouTube睇人點去保養,依家會去埋外國網頁買零件返嚟整車”

你又有冇養車經驗分享?香港養車日誌是屬於全香港車主的養車日誌,歡迎你也來分享來自你的養車經驗心得!有興趣請點擊這裡查閱參與分享方法

關注香港養車日誌FACEBOOK,緊貼實用的香港養車資訊,用最少金錢獲得最大的養車樂趣!

更多文章:

買救車寶前必看:所有救車電廠家都不會告訴你的秘密!

 

幾十蚊升級:舊車都可以用藍芽播歌 – 網友投稿的超值分享

Related Articles

Leave a Comment