小U突然想研究一下到咩因素影響汽車保險(車保)的保費價格?我知道新牌仔保費貴,跑車保費貴,咁到底年齡定牌齡影響大?年齡定車型影響大?婚姻,職業有冇影響?本次研究嘗試分析車保價格的影響因素,希望幫到各位新車主和到期續保的車主。
研究方法:以AXA汽車保險為例
香港有好多間汽車保險公司,每間保險公司的保費計算都可能有唔同,無法一一對比儘列。本次研究基於AXA汽車保險的網上報價,至於點解揀AXA本文最後會講。如果各位有其他車保公司的對比資料,不妨share比小U,我可以一同放上來給各位對比選擇。本次研究以香港熱門街車:HONDA JAZZ 為起點開始研究:
牌齡(駕駛經驗年資)影響
AXA網頁申請者牌齡必須喺2年以上,所以P牌喺無法從網頁報價。設定一個25歲的車主(1995年生,未婚,行政職業,2年牌齡),AXA車保網頁系統自動計出保費報價,包含三保和全保,墊底費、賠償額等保持默認,以便對比:三保$5,973.20,全保$8,615.13。
然後,為了睇睇牌齡(駕駛經驗年資)對保費的影響影響,再調整牌齡為5年、重新報價;結果發現2年和5年或以上駕駛經驗車保價格不變、保費不變:
車主年齡影響
上面喺25歲人做車主的保費,我嘗試過將車主設定為24歲,但系統未能自動報價。證明未滿25歲作為主申請人會貴而且難,可以考慮叫家人出保,登記自己為記名司機。
然後我哋變老5歲,設定一個30歲的車主(1990年生,未婚,行政職業,2年牌齡),AXA網頁就可以計算出保費;然後我哋再變老到35歲,方便大家閱讀,整理成圖表如下,:
車型 | HONDA JAZZ | HONDA JAZZ | HONDA JAZZ |
車年份 | 2015 | 2015 | 2015 |
性別 | 男 | 男 | 男 |
婚姻 | 未婚 | 未婚 | 未婚 |
年齡 | 25 | 30 | 35 |
職業 | 行政 | 行政 | 行政 |
駕駛年資 | 2 | 2 | 2 |
三保 | $5,973.20 | $5,166.94 | $4,473.54 |
全保 | $8,615.13 | $7,518.81 | $6,904.31 |
婚姻狀況影響、男女車主是否有別?
35歲人如果結埋婚,保費會唔會平D?
AXA車保報價系統話:唔會,一樣價。唔好為咗平保費而結婚。(雖然相信冇人會咁諗、冇人會咁做)
成日話女車主點點點,保險公司是否從統計數據上支持呢一點?我將受保人車主從35歲的男性轉為女性:發現女車主在其他相同情況下,保費比男性車主稍微高一些(約5%)。
咁女性車主結婚唔結婚有冇差別?我將已婚女性換成未婚女性:車保保費不變。
總結如下:
車型 | HONDA JAZZ | HONDA JAZZ | HONDA JAZZ | HONDA JAZZ |
車年份 | 2015 | 2015 | 2015 | 2015 |
性別 | 男 | 男 | 女 | 女 |
婚姻 | 未婚 | 已婚 | 已婚 | 未婚 |
年齡 | 35 | 35 | 35 | 35 |
職業 | 行政 | 行政 | 行政 | 行政 |
駕駛年資 | 2 | 2 | 2 | 2 |
三保 | $4,473.54 | $4,473.54 | $4,678.88 | $4,678.88 |
全保 | $6,904.31 | $6,904.31 | $7,025.46 | $7,025.46 |
唔同職業是否有差別?
重新設定為30歲男人,2年牌齡,小U分別設定了職業為“金融”、“政府工”、“職業司機”、“醫生”,保費都同“行政”一樣,沒有變化。
車的年份(出廠年份)對保費影響
以上都喺2015年JAZZ的車保報價,如果將車的出廠日期調整正負5年,亦即是至2010、2015和2020年,得出的結果如下:
車型 | HONDA JAZZ | HONDA JAZZ | HONDA JAZZ |
車年份 | 2020 | 2015 | 2010 |
性別 | 男 | 男 | 男 |
婚姻 | 未婚 | 未婚 | 未婚 |
年齡 | 30 | 30 | 30 |
職業 | 行政 | 行政 | 行政 |
駕駛年資 | 2 | 2 | 2 |
三保 | $5166.94 | $5166.94 | $5218.6 |
全保 | $12653.95 | $7518.81 | $5783.39 |
車型對對保費影響
最後我們研究不同車款對汽車保險保費的影響。首先小U嘗試了的BENZ A45 AMG、FORD FOCUS RS 甚至 TELSLA MODEL S 均不能網上報價,應該是被認為是跑車,需要特殊報價。然後小U挑選了以下家用車款對比:
- 一街都喺的JAZZ
- 歐洲車代表:寶馬3的“普通版”以及“開蓬版”
- 冷門的、偏性能車代表:FORD FOCUS ST
- 7人車代表:細7 SIENTA Hybrid、大7 Alphard、都來自只做7人車的香港TOYOTA
車型 | HONDA JAZZ | BMW320IA | BMW320IA開蓬 | FORD FORCUS ST | TOYOTA SIEANTA HYBRID | TOYOTA ALPHARD |
車年份 | 2015 | 2015 | 2015 | 2015 | 2015 | 2015 |
性別 | 男 | 男 | 男 | 男 | 男 | 男 |
婚姻 | 未婚 | 未婚 | 未婚 | 未婚 | 未婚 | 未婚 |
年齡 | 30 | 30 | 30 | 30 | 30 | 30 |
職業 | 行政 | 行政 | 行政 | 行政 | 行政 | 行政 |
駕駛年資 | 2 | 2 | 2 | 2 | 2 | 2 |
三保 | 5166.94 | 4852.78 | 4284.14 | 4380.08 | 4198.14 | 5009.57 |
全保 | 7518.81 | 8697.47 | 11171.74 | 7919.2 | 8634.48 | 12057.98 |
三保保費分析
三保喺保人哋,反應自己撞親人的機會。小U驚訝三保的HONDA JAZZ和TOYOTA ALPHARD竟然喺最貴的兩款,ALPHARD貴可能喺因為搵食車、中港車多,但JAZZ都咁貴有D以外。而最平喺TOYOTA SIEANTA唔會以外,但第二平竟然喺BMW320IA開蓬?跑格車三保竟然比JAZZ平近1000蚊,小U估唔到會喺咁。大家買三保時候記得多加對比。
全保保價分析
車價越貴,全保價就越貴,全保價基本上都反應二手車價。
結語和選擇AXA汽車保險的原因
最後總結本次研究發現:
- 牌齡/駕駛年資對車保保費影響不大。
- 駕駛者年齡對車保保費有直接影響、關係偏向線性。
- 結唔結婚冇影響,男女司機有影響。
- 職業同保費冇明顯關係。
- 車齡越新,全保費用約貴。車齡超過7年,三保費用稍貴。車齡對全保費用影響遠大於三保。
本文只是從價錢和網上報價出發分析,但未有談及真正touchwood要claim起身的步驟,麻唔麻煩,客服體驗如何。歡迎各位車友讀者留言分享你的經驗。
點解本文選擇AXA作為對比分析?因為如果大家通過以下鏈接申請購買AXA車保,香港養車日誌就會收到AXA的贊助。如果你本身打算購買AXA,又希望支持香港養車日誌,咁你唔需要額外多花一分錢就可以支持到我哋的運營:
最後祝大家揀到一個最適合自己、但永遠唔洗CLAIM的車保!
香港養車日誌喺屬於每位香港車主,如果你也有興趣分享你的養車心得體會,記得參與分享計劃啦!
關注香港養車日誌FACEBOOK,也可以免費登記會員通訊,緊貼實用的香港養車資訊,用最少金錢獲得最大的養車樂趣!小U網販也提供高性價比的實用汽車用品。
更多文章供參考:
你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇: