3分鐘懶人包：DIY洗車流程和洗車用品介紹

香港養車日誌之前有好多篇文章介紹自己洗車的文章資訊，而本文喺懶人包式pakage，務求用一篇文章為忙碌的香港車主最快地提供最適合的DIY洗車方法和工具。因為每個車主的情況、要求唔一樣，所以本文會盡量涵蓋各種的洗車流程簡介和對應的汽車用品工具介紹，大家請對號入座。本文懶人包求快，所以洗車用品的介紹會盡量精簡，並會附上詳細介紹的鏈接供深入研究。

日常洗車和深層清潔洗車

本文前半部分先講最經常做的“日常洗車”，分為“有水源”和“無水源”的兩種環境、針對香港本地情況的不同洗車方法和汽車用品的詳細介紹。

下半段再講“日久見痕跡”的深層洗車專項對應的洗車方法和用品。

 

日常洗車的可選流程和工具

香港地的“奢侈”：有水洗車法

適用車主：

• 長泊室外露天或室內的車主
• 附近有水源可取
• 洗車間隔梳密都可以

洗車水選購經驗:

洗車水（洗車液）喺DIY洗車車主必備的汽車用品。選擇洗車水的個人經驗：洗車水只需要做好一個功能：洗車。唔好選擇聲稱加咗蠟水、加咗鍍膜的“多功能洗車水”，越多功能越“兩頭唔到岸”。就好似洗頭水咁，避免揀“洗髮焗油護髮素3合1”，以為慳咗錢點知樣樣都做唔好。最要留意，有的“加咗料”的洗車水有機會每次洗車都會融走你車身已有的蠟、鍍膜。

詳細介紹文：

• 你問我答：洗車液 Car Shampoo 如何選擇？DIY洗車系列 – Ch. 1c

 

日常洗車的洗車水推薦:

【不傷蠟層】Meguiar’s Gold Class Car Wash Shampoo & Conditioner 滋潤洗車液 1.89L

美國汽車用品老牌子Meguair’s長期熱賣的中性洗車水：男女老幼新手老手皆宜，最穩陣、最可靠的長期口碑之選，適合任何車身表面。

 

【濃密發泡】美國3D Pink Car Soap 202號 粉紅洗車液

同樣是來自美國的汽車用品新晉牌子3D Products的通用型洗車水：總體與美光金裝洗車液相近，發泡力稍高，體積細支易收納。

 

【鍍膜洗車】CARPRO RESET 鍍膜還原洗車液 專為鍍膜鍍晶車身而設的溫性洗車液

主打鍍膜鍍晶的汽車用品牌子CarPro的鍍膜洗車水：犧牲部分清潔力、換取鍍膜鍍晶的最長壽命。適合車身比較乾淨（少揸、假日車、泊室內等），唔需要洗污糟貓的車主。

 

最原始：兩桶水洗車PLAN

“兩桶水”洗車流程和所需汽車用品：

1. 水桶裝水淋濕部車
2. 兩個桶：一桶放清水，一桶加洗車液
3. 用洗車手套洗車，“路線圖”：洗車水水桶 -> 車身 -> 清水水桶過一下泥沙 -> 洗車水水桶 -> 車身（重複repeat）
4. 再用水桶裝水沖身
5. 打清水用乾淨的洗車手套/洗車布抹過一次全車
6. 吸水布抹乾

以上喺最全套的“兩桶水”洗車法洗車流程，每位車主可因自己的情況增減，跟足最好但唔需要逼自己100%跟足，自己洗車要有樂趣為先。

詳細文章：

• 如何洗車不傷車 – DIY洗車系列 Chapter 1

洗車用品推薦：

【保護車漆】美光SupremeShine 超細纖維毛巾 + 超細纖維洗車手套 + GRITGUARD

在DIY洗車用品中，優質的超細纖維布喺避免洗車越洗越花的關鍵，也可以單買洗車布、洗車手套 和 GRIT GUARD隔紗網

 

【超強吸水】頂級定制500g超大特厚吸水毛巾 高效率之選

洗車後的抹乾同樣重要，如果唔抹乾就揸走，水印、塵印接肘而來，你辛苦洗車的成果就功虧一簣。小U網販引進$100以內最最最高質的強力吸水布，單條乾身竟然重達0.5KG！

 

泡沫噴壺：幾十蚊提升洗車效率

水桶洗車最辛苦的一part莫過於“彎腰企直”、“踎低起身”、不斷重複Repeat，泡沫噴壺的出現簡直喺腰骨膝頭恩物，直接噴泡上車身，可直接跳到上述“兩桶水”洗車法的步驟3或4！小U剛開始養車的時候仲要自己DIY泡沫噴壺。後來見到有商業化生產的洗車專業噴壺，果斷引入介紹比大家，至今已經售出超過100只、幫到超過100個香港車主花小錢換取更高效率的汽車用品。

【打泡神器】 手動雪泡打泡壺 無需電源 無需水喉 港人自洗車必備

泡沫噴壺的YouTube錄影介紹：

 

最方便：電動洗車槍PLAN

搵到地方近水源、又可以“開喉”，自己玩洗車DIY的機會就唔好浪費。配合高性價比的洗車槍，可以短時間就將全車洗乾淨。一次過做埋打蠟或噴膜都冇難度。

洗車槍洗車流程PLAN：

1. 洗車槍噴濕部車
2. 泡沫噴壺噴泡
3. 洗車手套過一次全車（如果車身唔喺太污糟可以跳過）
4. 洗車槍沖乾淨
5. 吸水布抹乾

“開喉”洗車用品介紹：

洗車布、洗車手套、專業吸水布上文已經介紹唔重複。集中介紹洗車槍：

【免喉洗車】 高壓鋰電洗車洗車槍 4.0AH大電 性價比遠超WORX 送泡沫壺

超足料的高壓鋰電洗車槍，水力可切蘿蔔！上架以來大受好評的鋰電洗車槍。詳細介紹：$7xx高質鋰電洗車槍超詳細實測（非WORX）。影片詳測：

 

【雙泵動力】 超強力雙模式洗車水機套裝 升級版

最早引入的平價洗車機套裝，帶有可調扇形噴槍，通水軟毛刷，12V強力雙電泵，詳細介紹： 超強力雙模式洗車水機套裝升級版介紹。弱點喺唔帶電池，但如果同DINKALEN 1500A救車電一同購買，可以利用小U網販額外附送的點煙器轉接頭，將救車電作為洗車機的電源，最平的BUDGET就可享有洗車+救車兩種功能。

 

適合“港情”的：無水洗車法

香港養車唔單只養車喺“奢侈品”，就連水喉、可洗車的地方都喺奢侈。好彩有“無水洗車”法的發明，等各位香港車主多一個選擇。小U自己用無水洗車法已經好幾年，掌握得當真喺慳力慳時間，就算我泊車的地方有水可取，但如果車身唔污糟，我都經常懶癌發作寧願用“無水法”抹乾淨快靚正。“無水洗車”的關鍵在於要經常抹，太污糟就要用水洗，詳細介紹請移步下文 –

無水洗車法的詳細介紹：

• 無水洗車 (Waterless Wash) 大剖析Part 1：原理、好處、會唔會整花部車？
• 無水洗車唔刮花車身的用品和方法詳細介紹！附帶洗車成本比較

 

無水洗車法洗車用品介紹：

【免水洗車】不傷車漆的無水洗車大禮裝 CarPro ECH2O

 

最隨心所欲的：有水無水Hybrid法

“自由”喺香港的核心價值（我希望），如果可以的話，最好當然喺根據車身的污糟情況、當日的天氣、時間的許可，而自由地選擇用“有水”還是“無水”的洗車法：

1. 車身污糟，有空閒時間，唔落雨，準備“大幹一場”：準備好水桶或洗車槍，用“有水洗車法”
2. 車身都算乾淨，又趕時間：“無水洗車套裝”一噴一抹10分鐘搞掂

 

車鈴鐵粉清潔

LIHKG有個“後悔買得太遲的汽車用品”POST，好多網友都話“洗鈴水”喺好好用、知道得太遲，小U網販就有兩款主流洗鈴水選擇：

【日本研發】SOFT99 去除鐵粉終結者 IRON TERMINATOR

【鐵粉清潔】CARPRO IRON X 鐵粉溶劑 500ML 車鈴車身鐵粉 剎車粉清除專家

兩者的最大區別喺IRONX可以用於車鈴和車身的除鐵粉，而SOFT99的產品冇提到可以用於車身。

 

頑固污跡的深層清潔用品

除了車鈴鐵粉，有些污跡痕跡不是每次洗車都會見到，但如果經常唔洗車久而久之就會出現，例如雨痕跡（水印），鐵粉跡，雀屎跡等等，小U在另一篇文章中一一對應介紹，大家請移玉步：

車身深層清潔 – 水印、鐵粉、柏油跡、鳥糞痕的專用溶劑 – DIY洗車系列Ch.5

 

推泥的迷思：Claybar前必須了解幫你省下無用功 – DIY洗車系列Ch.5

 

自己洗車、樂趣為先

希望本文幫到各位鐘意自己洗車的車友。香港養車唔容易，從中得到的樂趣多一D，養車就值一D，如果你同小U一樣，嚮洗乾淨自己部車的過程中獲得樂趣，咁就最好不過了。

而且洗乾淨自己部車喺幫自己部車修復花紋、打蠟鍍膜的進階護養的第一步，自己做埋拋光打磨，上埋鍍膜，成部車令lap lap，咪話冇成功感（而且仲慳到一筆錢）。關於拋光去紋和打蠟鍍膜，小U打算下一篇文章繼續好似本文咁以匯總的形式將資訊最快速度提供給大家！

關注香港養車日誌FACEBOOK，緊貼實用的香港養車資訊，用最少金錢獲得最大的養車樂趣！香港養車日誌是屬於全香港車主的養車日誌，歡迎你也來分享來自你的養車經驗心得！有興趣請點擊這裡查閱參與分享方法。