本文喺同網友Mr. Cheng閒聊養車經的記錄整理。Mr. Cheng三年間換了三部車，小U就好有興趣咁訪問鄭先生的“換車心得”，睇睇有冇其中的經驗可以幫到各位正在打算購入第一部車或準備換車的車友。
第一部車 – 日本細7人車
第一架係Honda Stream，年份唔記得啦，舊車一部。
特點：車身長，冇咩力水，勝在夠平，粗用操車一流。
2010的Honda Stream廣告
小U補充：Honda Stream 生產的十四年（2000~2014）見證住Honda從傳統自動波箱往CVT靠攏的歷程。雖然唔知道網友的具體年份和型號，不過初代CVT在服役多年後，被投訴“冇力”喺比較常見，隨著車齡增加，更加年紀大身體壞。二手車買幾多年車為佳？請參考之前的文章：
第二部車 – 歐洲車五人SUV
第二架VW Tiguan，2009 2.0 TSI，車爽好力，實用，儲物空間充足。
特點：四驅黎講都算慳油($1.6-1.8/公里) ，黑雨都好穩陣， 一d都唔擔心。簡單講就車爽好力夠實用。
不過好多濕碎野小毛病整，波箱，感應燈，濕濕碎碎咁，整到傻。更慘喺部09 Tiguan死過好多次火，最大獲係紅隧中間同東隧出口🤦♂️，諗翻起都驚。
TIGUAN新車可以諗，但新車我就唔會簡VW🤣🤣
小U補充：初代TIGUAN，一代竟然橫跨近10年（2007~2016），其中在2011 facelift小改款過一次。小U揀SUV時候都曾經留意過初代2007~2011的TIGUAN，因為價錢實在喺平，內籠睇落去又唔差。但喺網上資料顯示引擎多問題，同年份只有喺柴油Diesel （油渣）的引擎算唔錯（冇見過咁滯），所以我就放棄咗，如果大家有意購入早期TIGUAN，亦請多留意。
車主亦建議多自學汽車維修，以備不時之需：
第二部車 – 依然喺歐洲車五人SUV
第三架就Range Rover Evoque，車靚吸睛，車重，加速慢，儲物空間不足， 後座窄。
特點：全時四驅但都慳油($1.5-1.7/公里) 但都係多濕碎野整。 簡單講靚車一架，外觀一流，機械再好D、少D問題就perfect。
小U補充：Jaguar / Land Rover (Range Rover) 呢幾個同系牌子喺出名設計靚的西歐牌子，外觀真喺好有風味。要整濕碎嘢的“聲譽”亦同外觀靚麗喺一個級數。曾經有車評人戲稱，當時Honda的新Turbo引擎爆出機油乳化（入“水”）的問題，笑稱如果呢類問題發生響Land Rover車上，大家就一笑了之，但發生響HONDA身上就不可接受。可見車的維修級數，某個程度亦反應住車主的養車能力。
三年換三部車的啟發
上述的換車經歷，我嘗試總結可以借鑒的“換車”經驗：
買第一部車唔好貴，因為好可能距唔喺你真正鐘意的車型。自己鐘意D咩，有時真喺要自己試過擁有先知，而唔喺網上討論區、YouTube試車片可以解答到。樓主只有第一部車喺7人車，之後換的都喺五人SUV。
而隨著個人經濟能力的提高，購車養車的Budget也可以相應跟隨。第一部喺大年紀的日本車，之後的都喺越換越新的歐洲車。買車唔需要一步到位。一步一步接近自己的Dream Car，呢個自我升級的過程可能更加有趣、值得回味。我唔會羨慕有人可以出世就揸法拉利，人生的追求嚮一出世就完成咗，姐喺隻GAME未打就爆機，咁有乜意義呢？
咪L荼毒D細路啦唔該
你的換車心得？
唔知大家換車的頻率高唔高？三年換三部車算換得多定少？唔同人可能有唔同答案，你的換車經驗又喺點？歡迎在下邊留言分享！
相關文章：
喺咪要買新車先開心？養新車還是二手車更開心：過來人發現呢一點決定了你的養車體驗
避免買中伏二手車 – 買車前必讀：二手車5大常見問題、唔留意就可能跌錢落海
你鐘意DIY自己部車嗎？香港養車日誌最近本住dump錢落海的心態、試咗好幾款DIY鍍晶產品，搵到一款意料之外效果好的超性價比DIY鍍晶。我在自己部車度親測半年，並對比幾款不同產品的效果，有興趣請睇睇：
