Home 香港買車養車TIPS 買車前必讀:二手車5大常見問題、唔留意就可能跌錢落海

買車前必讀:二手車5大常見問題、唔留意就可能跌錢落海

by Charles Wong

撇開“處女情結”,香港的新車車價折舊快、裡數又少,買二手車確實慳一筆。但選購二手車有咩常見的問題要注意?本文小U整理出5個最常見的二手車車況問題,根據修復的價錢由低到高排序,給各位香港的准車友、打算換車的車友一一分析。如果你仲未決定買新車還是二手,可以先參考:

香港二手車常見問題$:內飾和底盤異響

造成原因:

現今的汽車內飾大量使用塑料扣件,因為組裝的方便大大減低裝配時間成本。換過車機,或者走過暗線的車友就有經驗。塑膠扣件經過拔拔插插,或者因自然老化,會變形走位,就會扣得冇咁實底盤異響亦喺有機會喺同樣原因:和尚頭等BUSH都喺由橡膠製成或密封潤滑油,一旦老化就會失去緩衝和潤滑。

一旦走過石仔路、或者過減速駁,車身共振,異響就會走出黎。異響十分影響司機和乘客駕駛體驗:yik yik聲,咳咳聲,好鬼low。私家車喺各位香港車主的“身份象征”,對於“溝女車”黎講,更是no no no。

解決方法和成本:

先講內飾異響:如果扣件可以獨立更換,扣件本身都唔會貴。如果冇得獨立換,就搵方法“攝實”D罅隙位。材料成本唔會貴,但喺考師傅對車型和車內飾部件的熟悉程度,同埋排查邊度出問題要試黎試去,香港地人工貴,時間成本高

小U TIPS: 可以自己上網搵下有冇本車型的常見異響資料,話唔定自己動手就可以搞掂。

底盤異響就需要換parts,有興趣知道點樣減低成本可以參考:

汽車零件Parts怎麼買?自己整車維修買料篇

 

香港二手車常見問題$$:天窗或開篷車頂漏水

造成原因:

同樣喺膠件老化造成的問題居多,但異響可以忍,漏水不能忍。香港常年多雨,又潮濕,如果漏水車搞唔好會發曬毛,好麻煩。好彩的喺天窗漏水通常會喺通病,網上可以查到資料邊D車型多問題,買“多伏”車型就多加留心。

解決方法和成本:

天窗套件的密封膠視乎車廠可平可貴,例如TOYOTA vs 波子,價錢可以差個零。更換天窗密封要全套拆出,工時唔少。如果幾萬蚊買部車翻黎即刻就要拆天窗,一定要避免。

小U TIPS:除了喺密封膠,仲有可能喺排水管道塞咗。避免遇到黑心車房,小修變換全套,建議可以自己睇睇排水管

 

香港二手車常見問題$$$:換擋唔順、波箱CHOKE

造成原因和維修花費:

雖然話香港地方細,香港的二手車自然裡數偏低。不過都要留意裡數高的自動波車常見有換擋choke,升降檔位唔順的問題。常見可能原因有兩個:

1、波箱油過期冇換。因為波箱油同火嘴一樣,唔喺經常要換的消耗品,買家好難知道上手喺幾時換過波箱油。波箱油過期會變得好癡,導致壓力傳輸唔順,換波就唔順。更換波箱油大約等於2-3次換機油(偈油)的價錢。都喺有限錢。

2、波箱的設計有問題、有先天性缺憾。換波箱要一大筆錢,仲要換完又唔知幾時又有問題(因為設計上的問題冇解決)。所以要做足資料搜集和功課。

小U TIPS:例如福士的乾式雙離合、福特的PowerShift 雙離合、HONDA 早年的自動波箱(2002以前)、NISSAN的CVT波箱(具體年份唔記得),都喺出名的“先天中伏”波箱。

 

香港二手車常見問題$$$$:底盤漏油、燒機油

汽車漏油常見問題

漏油問題的分析:

漏油第一要睇喺漏咩油,危害程度從低到高:肽盤轉向助力泵油(風油肽油)、水箱水、引擎機油、剎車油。然後要睇睇喺滲漏還是大漏,年紀大的車滲漏喺情有可原(尤其歐洲車),

燒偈油同漏偈油其實都喺同一樣嘢,只不過前者喺漏咗入引擎燃燒室(內滲漏),後者喺漏咗落地(外滲漏);因為燒偈油冇地面油污,問題可能更隱蔽,燒到過咗保護線先知就大鑊

雖然有D偏見,但通常講法喺年紀大歐洲車的漏油問題會比日本車普遍,而香港地R洲車又有面子、受歡迎,所以各位香港車主要留意。

解決漏油的維修花費:

漏油的原因有千萬種,維修費有平有貴。例如機油濾芯裝唔好,一上壓力就大漏機油,但其實重新裝翻好只需要小小錢。反觀燒燒偈油,牽涉到引擎室,要拆開黎整,就肯定貴。

小U TIPS:有的賣家/車行為了掩飾問題,會在賣車前洗乾淨車底的油污,所以如果車底出奇的乾淨,反而要小心。

 

香港買二手車:“最貴”的問題喺?

二手車常見問題

影響駕駛程度

維修成本

內飾和底盤異響

$

天窗或開篷車頂漏水

$$

換擋唔順、波箱CHOKE

$$$

底盤漏油、燒機油

$$$$

最貴最嚴重的問題

$$$$$

以上就喺四個買二手車最常見問題,而第五個最最要留意、每個買家都一定要知道、否則一買即蝕的問題喺咩?點擊下面按鈕就有答案:

 

除咗最要知道的常見問題,小U仲準備咗香港車主搵資訊、揀車的小TIPS,詳情請點擊上面按鈕。

揀車買車喺又開心、又花時間、但又學到嘢的過程,希望本文幫到大家購買心儀愛駒!如有疑問,歡迎留言討論。

香港養車日誌也有更多相關的香港買車資訊供大家參考:

太新嫌貴,太舊驚壞:新手買二手車買幾多年車好?

冇錢點買車?“其實唔難” – 香港買車3大誤解

 

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment