性價比細車頂級天窗版 KIA MORNING Premium 兩年用後感、詳細介紹

小U的KIA MORNING Premium已經搵到新主人家啦，所以本文只集中介紹KIA Morning general的情況，其他車輛買賣車況介紹的內容已經移除。
由於金色車鈴唔喺人人鍾意，已經恢復原廠銀色：

螺絲同埋CAP的金色部分稍後會處理埋恢復銀色（因為要有水喉幫助比較容易甩，今日未搞）

KIA Morning Premium 兩年用後感

小U兩年的駕駛總結和論壇討論的大致相同，KIA Morning喺一部優點缺點十分鮮明的城市City Car，

優點：

1. 車細好扭、睇位過線泊位容易
2. 5年原廠保養、原廠CHECK車平
3. KIA Morning適合新手的最大賣點 –主被動安全夠：前後6氣囊氣簾、電子穩定防打滑系統、斜波起步系統、後波雷達等等，再加上恆溫冷氣、Keyless Engine Start，同價位配備最齊
4. 車價夠平

缺點：

1. 新車跌價快（所以買一部質素好的二手慳唔少）
2. 車廂、尾箱空間細
3. 動力一般：1~2人動力充裕，3個人啱啱好，5個人經常地板油（不僅小U，車會車聚中問過的KIA MORNING車主都咁認為）

對於小U來說我就十分喜歡KIA Morning，因為其缺點對我影響唔大，我長期都喺前排坐人，動力夠曬，褶前放平後排座位後有大把位放物品。

Hatchback車型的實用性比起轎車款更高，後門打開入口大，加上後座翻前可以提供大量空間。KIA MORNING更可完全褶平。

上年搬屋時候的載貨情況，難以相信這是一部Compact Hatch所能容納的吧！

有一點小U後知後覺，就喺KIA Morning車會十分有幫助。車會的搞手為大家從韓國訂回好多內外用品，從風隔油隔剎車皮、到尾翼包圍、到諘版地毯應有盡有，而且仲有好多心得分享，例如如何換機油和火咀將油耗從8降到7L/100km（常揸長途可以慳唔少）。很可惜小U到將近要賣車才得知車會加入，如果你喺新做Morning車主記得第一時間報名Morning 車會。

來自KIA Morning 車會聚會圖

2015 Morning Premium 頂級天窗版

頂級天窗版 EX Premium 應該喺2014年開始有引入香港，但早期的天窗版都喺未facelift的舊版，外觀最容易分別的喺新版霧燈喺圓眼投射瞪，facelift小改版後對比圖如下：

對於KIA Morning 此等Super Compact 細車，打開天窗對車廂內的空間感提升幫助好大。特別喺風和日麗的日子，一個天窗給予呢部細車的乘客更多開陽的感覺。就如一開始所講，新版Morning $12,800都竟然沒有天窗Option（KIA應該喺部署以後天窗版再買貴D）。相比之下，二手的天窗版喺性價比最高的選擇。

天窗是KIA MORNING最應該配備的，可惜最新款竟然沒有。

再補充：有網友查詢LX，EX，EX PREMIUM的新車價和OPTION配置對比，睇睇當年$12,500出車的頂級天窗版有咩優勢: 官網連接 http://www.kia.com/hk/showroom/morning.html

補充：多謝大家關心和支持！有你地的support小U網販和香港養車日誌都會繼續落去，唔洗擔心~ 除了時差internet已經可以解決所有技術上的地域限制。相信遲D小U會響另一個國度有更多的體驗和大家分享，please follow me~！

更多實用文章、唔睇走寶？

香港泊車點慳錢？（灰色的）免費泊車大法？

細車悲歌：盤點近年在香港退市小型車車款

DIY洗車系列

• 如何洗車不傷車 – DIY洗車系列 Chapter 1
• 無水洗車唔刮花車身的用品和方法詳細介紹！附帶洗車成本比較
• 車身深層清潔 – 水印、鐵粉、柏油跡、鳥糞痕的專用溶劑
• DIY洗車更輕鬆 – 洗車水機如何選擇？最好用洗車水泵推薦

DIY安裝車CAM

• 自己動手：安裝車CAM不求人！行車記錄儀安裝方法和工具介紹
• 自己動手安裝後車CAM：後視行車記錄儀動手DIY！