養新車還是二手車更開心？過來人發現呢一點決定了你的養車體驗

香港養新車 vs 養二手車的車主體驗：邊個開心D？小U曾經以為，養車是否開心喺取決於部車的質素：例如部車好唔好揸、外形好唔好睇、多唔多壞等等。但我錯了。直至小U揸全新車和極舊二手車都有一些年月之後，我先發現原來呢一點先喺決定養車是否樂趣！

 

養新車的快樂時光

幾年前小U為咗一嘗出新車的滋味，我用僅有的Budget買入全港最低價的新車：Kia Morning。平心而論，Kia Morning並冇咩出彩的地方，甚至好多車友都不齒呢款車。但喺距給我帶來了無窮的樂趣。因為喺用咗自己好多積蓄而買入的新車，所以特別錫車（是的，10幾萬對我黎講已經好多，請見笑）、喺第一部新車、亦喺最貴一部，所有的汽車保養知識就喺從果陣時認真學起。睇完YouTube覺得好過癮就自己買翻黎試，試完就POST上“窮U養車日誌”（香港養車日誌的前身）。

 

我的第一篇測試分享post：3分鐘學會：擋風玻璃驅水鍍膜自己做 – 風雨駕駛中維持清晰視覺

 

宜家睇翻轉頭真喺覺得不可思議，當初的單純哋喺想分享自己養車的樂趣，亂黎+業餘的拍片PO文，竟然一晃幾年變成了宜家的“香港養車日誌”。如果唔喺當初的那股開心和興奮，果種難以掩飾的躍躍欲試的衝勁，我估今晚我就唔可能寫呢篇文。回想起來，養新車果兩年喺樂趣幸福滿分的。

 

賣車前寫的：KIA Morning長期測試開箱文

 

 

養二手車點解總喺差緊D嘢?

幾年前又因為“想學整車”的諗法，膽粗粗地去揀十幾年車齡、近20萬公里的本田CR-V。得償所願，呢兩年CR-V響唔死火、唔打柴的情況下，讓我學識咗好多汽車維修的知識。在此過程中我發現了他的多個明病、暗病，亦逐一地修復，有順利的，有曲折的。理論上，經歷咗咁多嘢，部車響我手上“返老還童”，比買入的時候車況重要好唔少，理應同部車的CONNECTION、BONDING會好強。

 

如何學整車的系列：自己動手整車系列：零基礎沒問題！新手學做汽車保養維修

 

但事與願違，兩年了，但我始終覺得距只喺一部車，好似有的師兄話：喺腳車，喺交通工具。同養KIA Morning的感覺有好大差別。點解會咁呢？我一直都唔明白，是否車太舊太低價值了所以冇歸屬感？例如我從來都唔擔心Hi花撞花，就算真喺發生不幸就劏咗距換車。是否換一部新D的車，感覺就會翻番黎？

 

多得疫情，我終於發現了呢一點決定養車的體驗

斷斷續續我都有在物色換車的目標，半年前更加喺將Budget同車款都決定好、準備換車。其中一個原因喺我想重拾以前養新車的開心感覺。但冇人會預料到，新年後就爆發肺炎疫情。在經濟環境逆轉的情況下，換車計劃擱置了。

唔諗換車之後，而且揸車的時間少咗，但唔知點解反而想改善部車的現狀。之前一直諗住賣車換車，似乎好多嘢都唔去做，懶得搞。宜家冇咗換車的諗頭，好多ideas突然就好似泉湧咁出翻黎。例如：

• 會突然醒起櫃桶底的汽車氛圍燈，賣咗KIA Morning後就冇拎過出黎，不如放落部“新車”度啊。點知裝好咗又真喺幾好睇咁。
• 小U一直要測試唔同的車CAM，成日要駁線。一直諗“遲早要換車，收咗暗線到時又要拆”，於是就D線就成日“條條Fing”。但冇咗短期內換車的心態後，就好自覺咁去收翻D暗線。
• 之前一直冇理會到個化石CD機，因為冇理由花一大堆時間搞完就送比下手。宜家唔諗換車了，不如就研究下點樣自己換車機。點知YouTube一睇又一晚。
• YouTube D大數據知道你睇車機，就push關於汽車音響啊、改裝啊等等的影片比你。於是好多個夜晚的睡前時間就咁被佔據了。

肺炎疫情的呢幾個月，不知不覺我當初玩車的感覺又翻咗黎了。一場疫情，讓我領悟到，扼殺養車樂趣的大元兇是：換車的諗法。

 

成日諗住換車，當下的養車樂趣就大打折扣

訂咗一堆材料、懷住十分期待的心情等到貨，可以又開展一堆upgrade部老爺車的工程。同時亦悟出一個“養車心理學定理”：當你成日諗住換車，當下的養車樂趣就大打折扣。你會變得冇咁珍惜“眼前車”，覺得好快就要say goodbye亦唔會“投入感情”。無論喺揸新車舊車，只要好好享受當下，唔好成日諗住“換老婆”，養車樂趣自然就翻曬黎。

你又同唔同意呢個“養車心理學定理”？你養唔同車的養車體驗又喺點樣？歡迎留言同大家分享哦！

 

關注香港養車日誌FACEBOOK，緊貼實用的香港養車資訊，用最少金錢獲得最大的養車樂趣！香港養車日誌是屬於全香港車主的養車日誌，歡迎你也來分享來自你的養車經驗心得！有興趣請點擊這裡查閱參與分享方法。

更多文章供參考：

新車到手應該如何保養？新車落地與二手車又有何不同？

 

新手應該買新車還是二手車？不要把自己綁死在一個選項！