本文可以講係香港養車日誌建站以來最有感觸的一篇文章，一來因爲睇住香港一家又一家的人離開自己所愛的香港，二來本文係follow了“香港養車日誌”FACEBOOK的前香港車主們提供的分享，即使人已離開香港，依然有心爲以後移民的港人提供經驗。以下係車主們的分享港人移民熱門目的地：英國、加拿大和台灣的買車養車經驗（如果你也有想分享的，請在文章下方留言哦）：
移民英國的買車養車分享
Keith 分享：
1. 英國既二手車，折舊一定唔及香港咁快，反而睇里數多
2. 英國買車係工具，香港係奢侈品
3. 英國買車，唔會太著重BBA，主要係睇性價比，實用性
Warren 分享：
英國養車分別：保險貴，多人偷車，多數屋企泊車， 保險跟人（唔係車），電油平過香港， 而家大城市，揸車要俾 congestion charge ， 最common 車牌子 Ford and Vauxhall (香港叫 Opel ), 牌費叫road tax 多數平過香港幾倍 （用車廢氣數）
買車，車房有保障，因為英國法律支援consumers, example, trade description act.
如果私人買車 網站 Autotrader.co.uk 同car 28一樣
Gordon 分享：
我記得當時買汽車保險係用 confused.com. 基本上如果你入晒車主同架車嘅資料，佢就可以自動幫你比較唔同保險公司嘅費用, 為你揀出最便宜嘅選擇
我記得英國最好嘅一樣嘢就係如果你想泊街，只要條街冇劃線，就可以長期免費泊車
另外如果你剛剛考完車牌，你可以去A A考多樣嘢叫做 pass plus, 可以減低你嘅保費. 保費感覺上同香港差唔多
移民加拿大的買車養車分享
Kasper分享：
1.加拿大想做車主，可以揀leasing，亦都可以揀finance，意思同字面上一樣，leasing 其實係同車行長期租車，所以牌保上面係會有你同車行嘅名；finance 應該唔使解釋啦，同香港一樣咁買車😂
2.加拿大嘅車保，係跟人，而唔係跟車嘅，即係話，你朋友借你架車嚟揸，有起事上嚟，唔係claim你嗰份，而係claim你朋友嗰份車保，所以唔好借車畀冇車保嘅人揸你部車呀。
3.加拿大嘅西岸冇咁凍，但係如果其他省份嘅話，喺冬天嘅時候儘量唔好少過半缸油，因為如果你架車跪低/大塞車，咁啱遇著嚴寒/大雪，起碼嗰半缸油都足以令你繼續著住部車保溫。
4.加拿大係用鹽去融雪嘅，所以冬天嘅時候唔好貪平自己洗車，要去自動洗車屋至得，因為會洗埋車底。唔洗嘅話，係會生銹㗎。
5.加拿大嘅電纜係外露嘅，所以只要大風dd大雨dd大雪dd，都會停電。一停電，就連交通燈都冇埋，記住去到紅綠燈位當all way stop咁停車啦。
6.如果係喺比較嚴寒嘅省份，架車裡面除咗要有雪掃之外，最好擺多個細雪剷啦，必要時會救你一命😏
7.四驅車喺雪地控制比較好，所以通街都係四驅車。
8.水撥嘅水，要加可以-40℃唔結冰嘅windshield水，超級市場同油站都一定有得賣。
9.遇著落雨/落濕雪，氣溫徘徊喺2℃至-2℃的話，停車之後記住拎起水撥，否則成個水撥會結冰。另外，呢種天氣，要小心冇乜車行嘅小路，好易有black ice引致撞車㗎。
10.上highway之前，要掃乾淨架車嘅所有雪，包括車頂，否則會抄牌罰錢，但係行普通local馬路就唔掃都冇問題。
移民台灣的買車養車經驗
Albert分享到：
中古車（二手）太多伏不適合新手
新車的話 台灣D sales服務一定好過香港，但每個sales D 定價唔同所以會有人share菜單比較
車貸好麻煩，要有工作身分證先容易批
係台灣駕車會覺得香港司機算斯文守規矩😝
好多謝各位前香港車主的讀者分享距地的心得！小U還留意到FACEBOOK上的移民群組都相當活躍，如果各位有疑問，也可以到果度尋找幫助。
希望本文可以幫到已經或準備移民的香港車主！獅子山精神 Be Water 去到邊度都有香港人精神！
最後加映：人在外國可能更需要VPN來“轉IP”，從英國“變”到香港IP，或者從香港“變”到英國IP。有興趣可以參考小U的文章：
你鐘意DIY自己部車嗎？香港養車日誌最近本住dump錢落海的心態、試咗好幾款DIY鍍晶產品，搵到一款意料之外效果好的超性價比DIY鍍晶。我在自己部車度親測半年，並對比幾款不同產品的效果，有興趣請睇睇：
