Home 香港買車養車TIPS 車保只有“三保”和“全保”嗎:3分鐘搞清楚汽車保險點樣買最抵

車保只有“三保”和“全保”嗎:3分鐘搞清楚汽車保險點樣買最抵

by Charles Wong

小U發現有一部分的網友是在Google搜索“汽車保險”(車保)而搵到小U的網站,在此文章之前卻并未有一篇專門分析車保的post。小U唔會辜負大家的期望,本文同大家分析買車必然的牽涉的車保點樣買最精明!

30秒快速認識香港車保

為了有更多篇幅深入討論買車保的問題,一些比較基本、在網上被無限COPY & PASTE的車保資料,本文30秒快速帶過

  • “三保”和“全保”的區別:第三方保險Third-Party Insurance,俗稱“三保”,只保障自己對他人造成的損失,Comprehensive Insurance,俗稱“全保”,自己的損失(無論誰引致)也在“全保”的保障範圍
  • 香港強制性車保喺“人身傷害三保”、“三保”跟車(主),由車主所負責
  • 即使法例要求的喺人身三保,但市面上的車保通常都保埋財物(車輛)。如果保金異常地低,可以睇保險條款是否只保他人人身傷害、唔包財物損失。

 

香港的車保只有“三保”和“全保”嗎?

有的保險公司推出介乎“三保”和“全保”之間的“加強三保”,這類型保險在基本的“三保”上面外加不同的保障範圍

  • 燒車、失竊:顧名思義
  • 有牽涉第三方車輛的碰撞中的自我損失:近乎“全保”、但不包含自撞(撞墻撞柱)造成的自我損失
  • 輪胎保、爆玻璃保:針對某一特定維修項目的保障。經常行某些出名多重型泥車的公路車主可以考慮(例如屯門公路)、或出入地盤工地
  • 指定維修中心 vs 任意維修中心:有的保險條款規定你只能去指定的維修中心整車修車。可能有的車主會覺得不方便,通常任意維修中心的保價會貴D。

 

“新車買全保、二手買三保”真的嗎?

到底點解越貴的車、車主越偏向買全保?幾多錢為之貴每人心中的尺度不同,首先要了解咩情況下自己買了三保但保障不了自己、就可以衡量是否需要“全保”。以下是小u所諗到“三保”保不了自己的情況、大家有更多的請留言補充:

  1. 自撞埋墻
  2. 雙方碰撞、自己喺錯的一方
  3. 雙方碰撞、雖然自己喺啱的一方,但對方沒錢賠/破產/人間蒸發
  4. 雙方碰撞、對方Hit and Run
  5. 停泊車期間被撞:俗稱“沒仇報”

由此可見“全保”的範圍確實比“三保”大,但價錢通常貴1-3倍不等。要留意買了“全保”、同保險公司溝通索賠的機會就比較多,所以保險公司的口碑也重要,是否索賠就諸多阻攔之類。

 

“新牌仔”P牌、20歲保費貴幾倍?有沒辦法?

根據統計,駕駛經驗越少、年紀越細,就越有機會在現實中表演頭文字D、卻沒有拓海一成的功力,頭搖尾擺、害人害己。仲然你只想做一個普通小心駕駛者,保險公司都會charge你一筆夠甘的保費。唯一的方法是將車轉到比較年長的家庭成員名下,再添加登記年輕牌齡短的司機,可以慳唔少。

請留意不同車種對車保價錢的影響,越有跑格的車保費越貴。經常被網友笑稱的“H車辣跑”(Honda Civic某些年份型號、Integra等的“平民超跑”),車保價錢比起普通民用車例如Jazz、StepWgn 貴上一大截。某些保險公司仲要唔做“H車”車主生意。

 

咩叫“報保險”?保險在索賠過程中的角色

以上內容都是圍繞“買”保險,如果你已經買了車、買了車保,咁就應該告一段落。但車保“點樣用”就喺另一個話題,小U錄了一段video分析萬一撞車後,應唔應該“報保險”、應唔應該“報警察”,如果私了settle,要注意咩問題。歡迎大家睇定,防範未然:

請謹記:車保只是挽救的方法,請各位注意路面安全,顧己及人,出入平安!

 

香港養車日誌全賴你的支持

多謝各位比了唔同的意見支持小U完成本文。小U喺業餘興趣愛好做起香港養車日誌,如果唔喺大家一路以來的支持,養車日誌已經褶埋。宜家每日都有好多IDEAs想同大家分享,有好多產品想幫大家揀、測試比大家睇,同大家一齊討論,一齊學習。響香港揸車受到的限制好多,付出又多,同大家分享養車樂趣就喺小U最大的養車樂趣!如果大家想睇下其他網友買車保的經驗可以click下面的圖片(順便LIKE和FOLLOW一下小U的FACEBOOK)

CLICK一下MOUSE就可以不花一分錢支持小U的工作LIKEFOLLOW 養車日誌的Facebook Page訂閱小U的YouTube Channel及時知道最新的文章和影片,養車討論區歡迎各位加入討論。

更多文章供參考:

年度性價比最強行車CAM:$6xx=1440P安霸A12+內置GPS!?凌度BlackView行車記錄儀實測

香港泊車點慳錢?(灰色的)免費泊車大法?

新手應該買新車還是二手車?不要把自己綁死在一個選項!

 

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment