Home 車CAM測試推介 重磅:年度最強性價比車CAM:內置GPS、1440P安霸A12 $6xx 凌度BlackView行車記錄儀實測

重磅:年度最強性價比車CAM:內置GPS、1440P安霸A12 $6xx 凌度BlackView行車記錄儀實測

by Charles Wong

2019年6月更新:根據廠家消息,凌度BlackView GPS版已經停止生產,所以小U網販已經落架此款產品。有興趣購買最新、高性能、高性價比車CAM請移步:

以下喺原文:

小U上次文章同大家測試咗兩款車CAM:WIFI車CAM以及“免安裝”停車錄影行車記錄儀測試 – “平嘢有好嘢?”第二集,有幾失望相信你睇過文章都會感受到。但小U沒有放棄繼續尋找,終於,終於,終於比我搵到一款甚至超越VICOVATION OS3的產品:凌度BlackView GPS版,和大家開心SHARE分享。

錄影質素:揀車CAM最重要睇片

揀車CAM首要重點是睇實際錄畫質,如果錄影畫質唔過關,其他廣告gimmick吹到上天都喺假。小U提提大家鑒別行車記錄儀錄影質量要注意兩點:

  1. 一定要放到電腦大MON睇,先分辨到質素
  2. 一定要睇夜晚弱光畫面

以下是本次測試的凌度BlackView GPS版的錄影片,記得調到1440P解像度(如果你的手機只SUPPORT 1080P的話,1440P的選項不會顯示):

YOUTUBE原片鏈接

凌度BlackView GPS版採用Ambarella安霸A12的芯片模組。雖然話安霸A12喺眾多高級便攜錄影裝置的裝配(GoPro、DJI PHATHOM MAVIC等),但經過了多次測試不同的車CAM,發現同樣搭載A12的車CAM質素可以有很大落差good examplebad example 1bad example 2),所以實際測試比睇SPECS更重要

欣喜的是此次測試的凌度BlackView GPS版畫質有驚喜!錄影畫面大家可以播放以上的YouTube慢慢鑒賞,記得調到1440P解像度(如果你的手機只SUPPORT 1080P的話,1440P的選項不會顯示)。分析錄影文件凌度BlackView GPS版的錄影碼率超24000kbpsBlackView GPS版喺現時小U網販上架中畫質碼率最高的車CAM產品

 

內置GPS:細機身中的大驚喜

第二驚喜是凌度BlackView GPS版竟然有內置GPS!凌度BlackView的體積比VICO OS3還要迷你,但是卻內置了GPS芯片價錢竟然差不了多少!又多一樣嘢玩。

車CAM搭載了GPS可以新增兩個主要功能

  1. 行車軌跡顯示
  2. 車速實時記錄

行車軌跡顯示幫助記翻當日去咗邊度,自駕遊超級好用!每晚翻到酒店backup一次片,全日揸過咩地方就全部記錄。相信我如果你連續租車揸1個星期自駕游,有好多細節會唔記得,GPS軌跡記錄好幫到手。小U第一次用有GPS功能的凌度BlackView車CAM自駕遊,睇翻自己走過的軌跡超級有感覺。

車速記錄更多是給意外時候作證用。作為一個安全的道路使用者,車速記錄功能能提供更多有利證據。如果你喺比較容易揸快車的朋友,此CAM的車速記錄功能暗中警醒你安全駕駛。當然,你也可以選擇關閉GPS功能。。。

凌度BlackView 的GPS同所有車CAM的GPS一樣,是傳統的純淨衛星信號GPS,并沒有A-GPS手機網絡輔助定位的,所以定位時間比起手機長。衛星信號GPS也容易受到高樓大廈阻擋,頭上太空的GPS衛星數目也會影響定位速度。所以有時會出現未能定位、沒有車速顯示的情況。所以也不要希望凌度BlackView 的GPS是可以每秒每刻都記錄到。

 

長火?24小時停車錄影?

凌度BlackView GPS版內有400mah容量的鋰電池,可以短時間熄火錄影,但如果要24小時錄影還是需要接“長火”:從24小時車電線路T出一條供車CAM使用。現時市面上絕大多數車CAM都有“移動偵測錄影”功能,如果接上“長火”都可以24小時停車錄影車CAM是否能實現24小時停車錄影并不是睇車CAM本身,而是有沒有24小時的不間斷電源供電。小U介紹過的VICO OS3、PAPAGO D1和本次的凌度BlackView GPS版都是一樣:可以24小時停車錄影、前提是有“長火電”就可以。

不過小U本人現時對長火錄影的態度偏向中性。外來的碰撞來自四方上面,單靠長“火車CAM”可以錄到的意外有幾多?就算錄到大概,錄唔錄到人樣車牌?就算錄到,又追唔追到?這些問題都喺網友經常討論,并沒標準答案,各人的標準唔一樣。

最主要讓小U concern擔心的喺長火對車電的損害。最近小U學習玩太陽能off-grid,先知道原來用黎tat車的啟動電池喺設計為“大電流、短時間”的應用,如果長時間“細電流、長時間”地吸電,喺會影響車電的壽命。網上有言論話車電唔好跌過11.7V就唔會影響tat車。沒錯只有11.7V就可以tat著車,但是每次車電從充滿狀態跌到11.7V就會扣減電池cycle壽命一次。而每走一次full cycle,比起10次跌10%就充翻滿的傷害大得多。Even worse更壞的情況喺長火沒有控制好斷電保護的最低電壓,跌過11.7V就嚴重降低壽命。

P.S. “細電流、長時間”的電池有AGM電池,GEL膠體電池或鋰電池,多稱為DEEP CYCLE深層充放電池,國外多為OFF-GRID脫離電網露營車所用,與常見的汽車啟動電源并不同類:

如果想24小時為愛車提供最大保護,你可以選擇投資在接長火、換電池,也可以選擇為愛車車保買全保,也可以兩用都做。每個人的選擇都唔同。關於BLACKVIEW的停車錄影以及其他高級功能的測試,請移步:

凌度BlackView GPS版詳細設置、功能介紹:停車錄影、TIME-LAPSE等等

 

總結:$6xx車CAM還有更好的選擇嗎?

凌度Blackview GPS版的介紹大致如上,如果大家有其他問題歡迎留言或WhatsApp 60341437 / [email protected] 查詢。$6xx這個價位還有更好的選擇嗎?這個問題交翻比各位,大家可以自由去市面上比較。如果大家想一試此款凌度Blackview,小U網販已經為大家引進

小U現時的前車CAM現時是長用此款凌度Blackview GPS版作為前車CAM,如果大家使用上有問題可以隨時和我交流。小U網販搜羅的高性價比、高質量汽車用品,歡迎大家選購~ 大家買不買沒所謂,小U是業餘興趣做香港養車日誌,和大家分享養車的樂趣就喺小U養車的最大樂趣CLICK一下MOUSE就可以不花一分錢支持小U的工作LIKEFOLLOW 養車日誌的Facebook Page訂閱小U的YouTube Channel及時知道最新的文章和影片,養車討論區歡迎各位加入討論。

小U藉此再次感謝各位讀者、網友、會員、顧客的一路上支持,如果沒有你養車日誌已經褶埋。宜家每日都同大家在Facebook、WhatsApp(60341437)交流,十分開心。

 

更多網誌原創文章供參考:

WIFI車CAM以及“免安裝”停車錄影行車記錄儀測試 – “平嘢有好嘢?”第二集

無水洗車唔刮花車身的用品和方法詳細介紹!附帶洗車成本比較

香港泊車點慳錢?(灰色的)免費泊車大法?

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

Leave a Comment