Home 香港買車養車TIPS 反送中+肺炎+全球大跌市:經濟轉差之下應該繼續養車買車?

反送中+肺炎+全球大跌市:經濟轉差之下應該繼續養車買車?

by Charles Wong

攬炒香港”是否已經成為事實、求仁得仁不做討論了。小U是未有經歷過金融海嘯的“年輕人”,咩叫經濟差、搵食艱難,確實未有太切身的體驗。半年抗暴,打工仔還是早上翻工,晚上開另一份“工”。武漢肺炎,人人成為撲口罩專家,帶住罩工照開。但至2020年3月,武漢肺炎成為全球肺炎,歐美相繼淪陷,股市崩盤,經濟大環境急轉直下,有人一直期盼的“攬炒香港”甚至“世界攬炒”似乎終於來臨。身為車主的你,如果不幸“被攬炒”,或者擔心將來有機會“被攬炒”,或者多多少少被“攬炒”影響到,咁還應該繼續養車嗎?

肺炎疫情反而喺香港養車的最必要時刻

疫情之下,香港的巴士地鐵一樣喺人逼人,各位車主有自己的私人座駕,在危機籠罩的密集城市中安心穿梭,可以講,香港養車從來未有像今日咁必要。試想一下逼滿人的地鐵車廂,突然有人不斷起咳。。。如果揸車,塞車最多耐心地等,燒多D油,起碼唔洗聽見隔離有人咳就心都離一離

一場疫情,人類百態盡顯

疫情之前,總有一個論調喺“打的好過養車”。疫情的今日,上的士都驚三分之前個乘客喺咪帶菌者,要用消毒液抹一下,點知一抹張紙啡曬,都唔知上好唔上好?肺炎疫情反而令香港養車的從“奢侈品”往“必需品”的方向傾斜

 

疫情 vs 海嘯:香港養車的博弈

如果唔喺金融環球崩盤,如果肺炎可以被困在中國甚至亞洲,如果高高自大的歐美人肯早D意識到疫情嚴重性,可能宜家大家仲可以生意照做,工照開,車照揸,冇問題。但每日的國際疫情、金融市場新聞堪憂,甚至有媒體形容“一夜回到08年”。相信一大部分香港養得起車的車主,多多少少同金融市場、環球經濟有那麼一些關係。如果真喺不幸“被攬炒”,養車又應該如何取捨?

小U覺得,每個人的情況唔同,只要從自己的實際情況出發,做自己覺得最啱的決定。疫情、海嘯,都喺會有恢復正常的時候:半年,一年,兩年?如果要繼續養車,就計算呢段時間的養車的成本,放長雙眼。如果未必覺得值得,咁賣車減少支出同樣喺好出路。話曬香港咁多人冇養車,能屈能伸亦喺獅子山精神。

同時,記得訂閱香港養車日誌的Facebook,提供用最低成本、獲得最大養車樂趣的香港本地養車資訊,今時今日特別啱用!

會員Email登記

香港養車點慳錢?窮車主與你分享四大方法低養車開支!

 

逆向思維:買車好時機?

如果咁好彩,你喺做鐵飯碗工作例如政府工或者受惠疫情的行業,而你又一直想買車、換車,咁今時今日可能喺好機會。車行搞促銷,二手車現賤賣盤,十年難得一遇“執筍盤”的時機終於黎到。

要試試自己買車講價的功夫?宜家就喺好時候。只有有耐性,一定可以搵到心水車、心水價

 

總結:珍惜眼前每一天

疫情衝擊全人類的每一天,睇住意大利西班牙日日幾百人死,美英澳低能抗疫,其實養唔養車、搵錢蝕錢,已經變得唔喺咁重要。最重要喺珍惜眼前人、身邊事,只要你仲有健康的身體,每一日起身見到陽光,可以呼吸空氣,已經好過地球上好多人。小U和香港養車日誌會響呢個百年一遇的歷史時刻,與各位共渡難關。祝願所有人身體健康,大步“欖”過!

記得訂閱香港養車日誌的Facebook和會員通訊Email:

免費Email登記

 

後記:肺炎疫情半年後的回顧

話咁快從2020年3月本文第一次出爐,宜家已經過咗超過半年。回顧當時肺炎的高峰期,宜家的情況已經穩定咗好多。

在呢個大起大落的大時代,小U並無覺得養車的人數有好明顯的減少。縱觀全球,香港依然屬於在肺炎衝擊中經濟表現算唔錯的一員。雖然肯定有人不幸因為疫情而收入減少被迫賣車,但仍然有唔少人因為肺炎產生養車需求而做車主。

車主比較得益的是車位的租金有所下降(部分地區),跟隨整個樓市的調整。居住需求的“剛需”並無因為肺炎而大幅下降,導致下降的是大家對樓市、車位未來價值的預測回歸理性。希望大家可以繼續逆流而上,在這次大洗牌中打出好牌。

 

有任何養車交流,請留言或與我聯絡,thx!~

本文主圖片:Photo by CDC on Unsplash

更多文章供參考:

如何防止肺炎病毒在車廂內傳播?車主和司機必須知道

免喉洗車:$7xx高質鋰電洗車槍超詳細實測(非WORX)

你鐘意DIY自己部車嗎?香港養車日誌最近本住dump錢落海的心態、試咗好幾款DIY鍍晶產品,搵到一款意料之外效果好的超性價比DIY鍍晶。我在自己部車度親測半年,並對比幾款不同產品的效果,有興趣請睇睇:

Related Articles

1 comment

Justin 17 4 月, 2020 - 6:37 下午

本身我都係假日車主,呢排為安全起見焗住日日揸車返工,日日搵位泊車都幾貴下

Reply

Leave a Comment