香港地養車已經貴，如果部車要整就仲貴，如果遇到黑心車房就越整越貴！養車日誌會員討論區鼓樓大家分享做汽車服務時候的好/唔好的經歷，香港車友之間互相幫助。小U最近加入了一個1.4萬人的Facebook群組，裡面的各種故事十分“精彩”，抽取一D同大家分享：
換四枝火咀，第一次去，溝左枝壞既比我，我收工第一時間揸去換返，仲唔想攪覺得唔關自己事，揸左幾個月，今日車房拆開一睇，原來仲溝左一枝舊既比我，仲要唔係正廠
一間車房最緊要有五大條件
1）所有零件及油品一定要比出面貴（如果唔係點可以食水深）
2）拆多一粒螺絲都要收多幾佰蚊（如果唔係點可以食水深）
3）油底螺絲一定唔可以收緊，緊住就話人油底漏油要大修（如果唔係點可以食水深）
4）整爛嘢扮冇事發生，下次返嚟就話爛嘢要換新（如果唔係點可以食水深）
5）請啲𡃁仔又懶又亂來，皆因成本比較相宜（如果唔係點可以食水深）
有齊以上條件，先係一間信得過嘅車房🤨
有錯勿插🙇🏻♂️
換油換到Engine成缸水要劏車？？？
網友的分享當然喺企響車主的角度除服，有的時候未必完全100%喺車房事。例如有位BMW車主冇為意自己車型的Engine喺Interference式的，唔按時換皮帶、一旦斷皮帶會拉缸，咁又唔話得曬車房。各位車友可以參考翻小U的自己學整車系列，減少比人坤的機會：
自己動手整車系列：零基礎沒問題！新手學做汽車保養維修
自己學識多D汽車維修整車知識，就算唔自己落手，都識判斷，萬一遇到黑心車房，同人對質時候都底氣更足。
亦有車房分享認認真真幫車主整車保養，明碼實價，傾好落手整完卻遭車主“反價”的頂心頂肺經歷：
唔好一味話車房點黑點黑，自己有咁做過嘅就檢討下啦
“三年幾終於破戒再遇著屎忽鬼，今日又要屌下，埋黎報價check車换指明要用Mobil 1包油格，换埋風格冷氣格，攝埋迫力跟埋呔氣吸埋塵，消毒藥水抹埋錶台，换埋頭尾車牌報你連工包料$1200，條數點計$1200呢?機油$420 4L ，佢架閪車要6L，除返開每升若$100加多200即係機油6L$620人工230 ($850)，風格$60+冷氣格$100人工40(200)，頭尾車牌$100人工50(150)，850+200+150=1200，如果總數扣除零件錢，$1200-$880=$320，我既人工只係得$320，吸麈消毒送既，報完價條柒頭話無問題好郁手，整好交車佢話有冇得平，齊頭1000喇，我話已經好平都係賺得你幾百，條撚屌話其實换油個part你地做貴左D，人地都係三百至五百，聽見火都黎，我升返起架車，佢見我上架問我咩事，我話我入返你放出黎D油，装返哂你D舊件，你去揾D三五百既换喇，我蝕下時間都唔求你個200，講完條柒頭話，多口問下講下價姐，睇下有冇平D，我話你唔係講價，你拎人個價同我比，咁一早報完價，你可以去第二間再問價去格，而唔係整完先黎講價，不如試下去洒樓食完飯睇下有冇價講，食哂條魚再話條魚唔新鮮丫，最後比兩條路佢揀，一係比錢，一係裝返舊野走，我唔差在你個幾百，跟手咪又死死氣找數，屌那星，無錢要慳錢咪撚學人楂車喇。”
各位車房行家，亦請留意有呢個平台監督住各位的職業操守。
近況更新Update
黑心車房群組已經快速grow到2萬7人，但是就冇再有咩增長了，因為好多車友嚮group內曝光自己的經歷的時候都會惹起車主和車房派別之間的大罵戰。發帖的人也越來越少。群組也不知何故成為5毛共軍的滲透對象，導致群組admin要花費經歷篩選入群申請。真心希望黑心車房平台可以繼續成為香港汽車維修行業去粗留精。
你有冇整車、維修的經驗想分享？香港養車日誌是屬於全香港車主的養車日誌，歡迎你也來分享來自你的養車經驗心得！thanks！有興趣請點擊這裡查閱參與分享方法。
關注香港養車日誌FACEBOOK，緊貼實用的香港養車資訊，用最少金錢獲得最大的養車樂趣！
更多文章供參考：
要親手做汽車維修保養嗎？學整車五大好處用錢也買不到！
買救車寶前必看：所有救車電廠家都不會告訴你的秘密！
你鐘意DIY自己部車嗎？香港養車日誌最近本住dump錢落海的心態、試咗好幾款DIY鍍晶產品，搵到一款意料之外效果好的超性價比DIY鍍晶。我在自己部車度親測半年，並對比幾款不同產品的效果，有興趣請睇睇：
